भाग 5 – ग्रह मैत्री कूट (गुण मिलन)

जरुरी नाही की हे सात ग्रह एकमेकांचे चांगले मित्रच असतील किंवा शत्रुच असतील. काही ग्रह एकमेकांशी निष्पक्षता ही बाळगू शकतात. असेही पाहण्यात आले आहे की एक ग्रह दुसऱ्या ग्रहाला आपला मित्र मानतो परंतु त्याच वेळेस दुसरा ग्रह मात्र पहिल्या ग्रहाला निष्पक्ष भावाने पाहतो. आता पाहूया कुठला ग्रह कुठल्या ग्रहाचा मित्र आहे किंवा शत्रू आहे किंवा निष्पक्षता दाखवतो. ग्रह मैत्री कूट हे दाम्पत्याची मानसिक स्थिती दर्शवते, जर त्यांचे राशी स्वामी मित्र असतील तर त्यांचे विचार सामंजस्याचे असतील, मैत्रीपूर्ण असतील आणि जर राशीस्वामी एकमेकांचे शत्रू असतील तर दाम्पत्या मध्ये मतभेद असतील, काही वेळेस हे मतभेद विकोपाला जाऊ शकतात.

आता हे आपण सविस्तरपणे बघूयात:

वधू आणि वर यांच्या जन्म कुंडली येथील चंद्र राशी राशींचे स्वामी (जन्म कुंडली मध्ये जिथे चंद्र स्थित आहे)
– जर एकच आहेत तर 5 पैकी 5 गुण दिले जातील.
– जर एक ग्रह मैत्रीचा स्वभावत दाखवत असेल आणि दुसरा निष्पक्षता दाखवत असे तर 4 गुण मिळतील.
– जर दोन्ही ग्रह निष्पक्ष स्वभावाचे असतील तर 3 गुण मिळतील.
– जर एक ग्रह मैत्री दाखवत असेल व दुसरा ग्रह शत्रुता दाखवत असेल तर 1 गुण मिळेल.
– आणि जर दोन्ही ग्रह एकमेकांचे शत्रू असतील तर सर्वात कमी म्हणजेच शून्य गुण दिले जातील.

जेव्हा 0, 0.5 किंवा 1 गुण मिळतो तेव्हा हा दोष समजला जातो. आता दोष असेल तर मग लग्न मोडायचे का? वैदिक शास्त्राप्रमाणे कुंडलीमध्ये लग्न भावाला आत्यंतिक महत्त्व प्राप्त झाले आहे, जर वधू आणि वर यांच्या जन्म कुंडलीतील लग्न भावाचे स्वामी हे एकमेकांचे मित्र असतील तर लग्न होऊ शकते. कारण लग्न भाव हे जातकाचे व्यक्तिमत्व सांगते या प्रकारे आपण ग्रह मैत्री दोषांची तीव्रता कमी करू शकतो.