भाग२ – वश्यकूट (गुणमिलन)

आपण मागच्या भागा मधे (भाग -१) वर्ण कूट आणि त्याचे ४ प्रकार पाहिले जे अष्टकुटा मधे १ गुणाचे योगदान देते. आज आपण पाहणार आहोत अष्टकुटातील दुसरे कूट – वश्य कूट. अष्टकुटा मधील ३६ गुणांन मधे वश्य कूट २ गुणाचे योगदान देते.

वेदिक शास्त्र मधे सर्व राशी आणि नक्षत्र हे जन्म कुंडलीतील चंद्रा वरून पाहिले जाते. आजच्या लेख मधे आपण वश्य कूटची माहिती व त्याची उपयोगिता समजून घेऊयात. वश्य म्हणजे एखाद्या व्यक्तीने जोडीदारावर वर्चस्व मिळवणे, जोडीदारावर पाडलेला प्रभाव, जोडीदारावर आपल्या इच्छा / मते लादणे. पूर्वीच्या काळी बायकांना पुरुषांच्या मर्जी नुसारच वागावे लागत असे त्यामुळे वश्य कुटा मधे पती पत्नी वरती किती प्रभाव पडू शकतो व नियंत्रण ठेवू शकतो, ह्या अर्थाने पहिले जायचे. परंतु आता काळ बदललाय, आता महिला दुसऱ्यांचे वर्चस्व स्वीकारत नाहीत त्या स्वावलंबी होऊ पाहतायत. त्यामुळे आजच्या काळात वश्य कुटा मधे आपण पाहतो कि जोडीदार एकमेकांना समर्पित असतील का, अनुरूप असतील का? ह्यावरून आपण त्याच्या नात्यातील चुंबकीय आकर्षणाचा अंदाज बांधू शकतो आणि दोघं पैकी कुणाचे वर्चस्व कोण स्वीकारतय हे हि समजते.

१२ राशींना वश्य कुटा मधे ४ वेगळ्या श्रेणीं मधे विभागले आहे आणि प्रत्येक श्रेणी जे स्वभाव-गुण दर्शवते त्याची तुलना इतर श्रेणींशी केली जाते. प्रत्येक राशीचे जे प्रतीकात्मक चिन्ह आहे त्या वरूनहि आपल्याला ती कोणत्या श्रेणीत मोडते
ह्याचा अंदाज येतो.

१. चतुष्पाद: मेष,वृषभ, धनु आणि मकर (सिंह राशी सोडून)

२. मनुष्य / द्विपाद: मिथुन, कन्या, तुला, धनु राशी चा समोरील भाग आणि कुंभ

३. जलचर: कर्क राशीचा अर्धा भाग, मकर, कुंभ आणि मीन

४. वनचर: फक्त सिंह राशी

५. कीटक: फक्त वृश्चिक राशी

जेंव्हा दोघांची श्रेणी एकच असते तेंव्हा पूर्ण गुण प्राप्त होतात. सर्वाधिक गुण म्हणजे २ गुण वश्य मधे मिळतात. ज्योतिष शास्त्र म्हणते कि जोडीत एकमेकांना अनुरूप आहेत कि नाहीत हे ग्रह त्याच्या स्वभावानुसार ठरवतात. वश्य कूट हे त्या
जोडीचे वैवाहिक जीवन किती सुखकर असू शकते ह्याचा अंदाज देते.

* फक्त सिंह राशी अशी आहे कि त्याचे वर्चस्व इतर सर्व राशी स्वीकारतात.

पुढील प्रमाणे वश्य कुटाचे गुण जुळवले जातात